jueves, 28 de diciembre de 2017

GANADOR DEL XXVIII PREMIO LITERARIO CAMILO JOSÉ CELA DE NARRATIVA (España)

O escritor estremeño Miguel Ángel Carmona gaña o XXVIII Premio de Narrativa Camilo José Cela



O xurado reuniuse esta mañá no salón de plenos do consistorio para deliberar

O escritor pacense Miguel Ángel Carmona del Barco (Badajoz, 1979) resultou gañador do XXVIII Concurso de Narrativa Camilo José Cela convocado polo Concello de Padrón polo seu relato “Sin Cicerone”, presentado baixo o lema “Mandelbrot”. Tal e como recollen as bases do certame, o autor estremeño recibirá 1.500 euros en metálico e unha estatuiña de Camilo José Cela.
Segundo informou o Concello de Padrón, despois de varias valoracións e votacións por parte do xurado, que se reuniu este mediodía no salón de plenos do consistorio, o relato de Miguel Ángel Carmona del Barco foi elixido gañador “por maioría” tras avaliar os 155 orixinais presentados.
Nesta ocasión o xurado estivo presidido pola concelleira de Cultura de Padrón, Lorena Couso; e integrado polo profesor da Facultade de Filoloxía da Universidade de Santiago de Compostela (USC) Anxo Abuín González, o tamén profesor na mesma facultade Juan Casas Rigal, a profesora da Facultade de Filoloxía e Tradución da Universidade de VigoCarmen Becerra Suárez, a licenciada en Filoloxía Inglesa Beatriz Vázquez Lorenzo, o funcionario da Consellería de Cultura Carlos Arias Iglesias, e a funcionaria do Concello de Padrón María Cruz Taboada Álvarez.
Segundo indicaron tras as deliberacións, a decisión do xurado fundamentouse no “dinamismo narrativo conseguido a través dun diálogo realista da utilización dunha voz feminina complexa, que se enfronta a temas de absoluta actualidade, como a posición dunha muller na sociedade contemporánea, cun ton que varía entre a dureza e a tenrura”. Ademais, o xurado salientou “a caracterización dos personaxes secundarios cun mínimo de recursos narrativos e o manexo acertado de técnicas do conto como o final aberto”.
Miguel Ángel Carmona del Barco é licenciado en Humanidades e diplomado en Biblioteconomía e Documentación. Entre as súas obras figuran as novelas “La dignidad dormida”, “Viaje en segunda” e “Palabra de chocolate” e libros de contos e relatos como “Manual de autoayuda” e “Escalera de caracol”.

FUENTE: 



LOS CAZADORES DE CONCURSOS LITERARIOS XI (JULIO 2017) Publicado el concurso, el viernes 9 de junio del 2017 en el Blog. 

No hay comentarios:

Publicar un comentario